Consorciok natura-fenomeno eta gertakari politiko edo sozial jakin batzuen ondorioz pertsonei eta ondasunei eragindako kalteak ordaintzen ditu, baldin eta indarreko legediak arrisku horien bermea ezartzeko betebeharra xedatzen duen adarretakoren batean edo batzuetan poliza bat edukiz gero.

Aparteko arriskuan izenekoen estalduraren Espainiako esparru juridikoaren buruan Consorcioren Lege Estatutua dago, abenduaren 19ko 21/1990 Legeak onartutakoa eta, hainbat aldaketaren ondoren, urriaren 29ko 7/2004 Legegintzako Errege Dekretuak onartutako testu bategiak jasotako, ondorego hainbat aldaketarekin.

Consorcioren estalduraren terminoak Aparteko Arriskuen Aseguruaren Erregelamenduan (otsailaren 20ko 300/2004 Errege Dekretuak onartu eta azaroaren 8ko 1265/2006 Errege Dekretuak aldatutakoa) garatuta daude gaur egun; bertan, estalitako arrisku bakoitza, kalte-ordainak izan ditzaketen kalteak eta estalduraren nondik norakoak definitzen dira. Arau horretan ordezkatuta daude Consorciok arrisku horien estalduran aplikatu beharreko baldintza orokorrak, eta aseguratuak gutxienez eduki beharreko babesa.

Consorcioren funtzioa da aseguratuei aparteko arriskuen ondoriozko kalte-ordainak ordaintzea, horren aldeko errekarguak ordaindu eta gero aseguru-etxearekin kontratatutako dagokion polizan aparteko arriskua estalita ez dutenei.

Gerta daiteke aparteko arriskuen errekargua ordaindu eta gero aseguru-polizak aseguru-etxeari agintzea aparteko arriskuen kalte-ordainak ordaintzea. Nolanahi ere, aseguru-etxea porrot, ordainketa-etendura edo likidazio prozesu egoeran badago eta ezin badie kalte-ordainen inguruko bere betebeharrei aurre egin, Consorciok hartuko ditu bere gain betebehar horiek.

Ia kasu guztietan, ez da ematen aurreko bi kasu horietakorik gertatzen, beraz, Consorciok berak ordaintzen ditu aparteko arriskuen ondoriozko kalte-ordainak.

Consorcioren helburua da Espainian gertatutako arriskuei ondoriozko kalteak ordaintzea, Espainian dauden arriskuei eragiten dietenak. Atzerrian gertatutako aparteko gertaera baten kasuan, Partzuergoak ez ditu kalte materialak ordainduko, pertsonalak besterik ez, baldin eta aseguruaren hartzaileak Espainian badu bere bizilekua.

Consorcioren estalduraren ondorioei dagokienez, galera izango dira pertsonei edo ondasunei eragindako kalte zuzenak, bai eta etekin galtzea ere, ondasunen gaineko kalte horien ondorio badira eta subjektu aseguratuaren jarduera ekonomikoaren emaitza arrunten aldatzea badakarte, jarduera horren ekoizpen edo negozio prozesuak eten, bertan behera utzi edo murriztu izanagatik.