Bai, baina baldintza jakin batzuekin; Consorciok kalte zuzenen ondorio diren ondasunen gaineko kalte zuzenak eta etekin-galtzea ordaintzen ditu. Consorciok kalte zuzenen ondoriozko etekin-galtzea estal dezan, beharrezkoa da ondorengoa:

• Aseguratuak horrelako kalteen estaldura duen Consorcioren aldeko nahitaezko errekargua duen poliza arrunta kontratatu izatea.
• Etekin-galtzea gertatu dela jotzen da subjektu aseguratuaren jarduera ekonomikoaren emaitza arruntak jarduera horren ekoizpen-prozesuen edo negozio-prozesuen etete, etenaldi edo murrizteagatik aldatu badira (adibidez, uholdeek elikagaien hozte-kameretan eragindako kalte zuzenen ondoriozko salmenta-eteteengatiko galera ekonomikoa).
• Etekin-galtzearen kuantifikazioa, Consorciok ordaintzekoa den zatia, eta estaldura eta kalte-ordain aldiak poliza arruntean adierazitakoak izango dira.
• Nolanahi ere, kontuan hartu behar da galera baloratzeko orduan Consorcio ez dagoela arrisku arruntak estaltzen dituen aseguru-etxeak egindako balorazioetara lotuta; aitzitik, independentea da horren balorazioa.
• Beharrezkoa da etekin-galtzea polizan bertan edo beste batean aseguratutako ondasunek edukitako kalte zuzenen ondorio izatea.
• Azkenik, ondasun aseguratuek aseguratuaren jabetzakoak izan behar dute, edo horren eskura egon behar dute. Beraz, etekin-galtzea ez da estalita egongo ondasunak aseguratua ez den pertsona fisiko edo juridiko baten eskura badaude edo horrenak badira, aparteko gertakariaren ondorioz hari ezin hornitu izanagatik.