CCSaren goi mailako zuzendaritza horren Administrazio Batzordeari dagokio; Aseguru eta Pentsio Funtsen unean uneko zuzendari nagusia da Batzorde horren buru, eta 14 kide ditu, aseguru pribatuen merkatuak eta Estatuaren Administrazio Orokorrak ordezkaritza paritarioa dutelarik. Administrazio kontseilua urtean gutxienez 11 aldiz biltzen da.

Administrazio kontseiluaren menpeko dira urtean hiru aldiz biltzen den Kontu-Ikuskaritza Komisioa eta baita Iharduera Kitatzailerako Ordezko Batzordea ere.

Operatiboki, Zuzendaritza Nagusiaren mende antolatuta dago entitatea, Zuzendaritza mailako sei eremutan: Eragiketa Zuzendaritza, Zuzendaritza Finantzarioa, Aseguru Entitateen Likidazio eta Saneamendu Zuzendaritza, Informazio Sistema eta Teknologien Zuzendaritza, Arriskuen Kudeaketa Zuzendaritza eta Idazkaritza Nagusia. Barne Auditoretza Zerbitzua, Betetze Zuzendaritza, Aseguratuaren Arretarako Zerbitzua eta Nekazaritza Aseguruen Zuzendariordetza unitate horizontalak dira, eta CCSaren Zuzendaritza Nagusiaren mende daude zuzenean.

CCSaren egitura, berriz, Espainiako geografian zehar banatutako 13 lurralde ordezkaritzetako 17 bulegoetan deszentralizatuta dago, eta gaien kudeaketa aseguratuei hurbiltzea dute helburu.

(Deskargatu organigrama)