Ezohikoa da CCSak ibilgailuaren nahitaezko asegurua egitea, eta aseguru-etxe pribatuek kontratatu nahi diren arriskuen estaldura ezesten dutenean bakarrik egiten da kargu Consorcio.

Horregatik, Consorciok ezin du edozein aseguru-etxek bezala jokatu, gainerako erakundeekin lehiatuta. Ez dauka izaera komertzialik, eta ezin ditu onartu prezioagatik iristen zaizkion aseguru-eskaerak; aseguruen merkatuan gutxienez bi aseguru-etxek ibilgailua aseguratzea ezetsi badute bakarrik onar dezake aseguruaren kontratazioa.

Ez. Consorciok ibilgailuaren nahitaezko asegurua kontratatzeko, aseguruaren kontratazioa ezetsi behar dute aseguru-etxe pribatuek. Aseguru-etxe pribatu batek arrisku hori estaltzen badu, Partzuergoak ezin du halako kontrataziorik onartu, legeak ezarritako eskakizuna baita aseguru-etxeek onartu gabeko arriskuak izatea.

Bai, beharrezkoa da ezetza eman dizuten bi aseguru-etxeren izena adieraztea, alegia, kontratatu nahi duzun arriskuaren estaldurari ezetz esan diotenena, eta legeak onartutako edozein bidetatik ezetza jakinarazi izana.

Ez da beharrezkoa zure ezbeharren historiala adierazten duen agiririk aurkeztea; aitzitik, asegurua egitea ezetsi duten bi aseguru-etxeren jakinarazpena behar duzu, gutxienez.

Printzipioz, ez da beharrezkoa jakinarazpen horiek bidaltzea; nahikoa da horien edukia irakurtzea; beraz, kontratazioa telefonoz egiteko orduan eskura edukitzea komeni da. Ondoren, Consorcioren esku jarri beharko dituzu jakinarazpen horiek.

Erantzukizun Zibileko Nahitaezko Aseguruaren Erregelamenduaren arabera, nahitaezko aseguruaren kontratazioa ezesten duten edo onartzen ez duten aseguru-etxeak behartuta daude interesatuari horren berri ematera, horretarako zuzenbideak onartutako edozein bide erabilita (Ibilgailu motordunen zirkulaziorako erantzukizun zibileko nahitaezko aseguruaren araudiaren 5.2 artikulua, irailaren 12ko 1507/2008 Errege Dekretuak onartutakoa, 208ko irailaren 13ko BOEa).

Bai. Aseguru AGENTEa aseguru-etxeari LOTETSItako bitartekaria da. Beharrezkoa da aseguru-agenteak ezeste-jakinarazpena egitea, bere aseguru-etxea eta agenteak aseguru-etxe horretan duen erregistro-zenbakia espresuki adierazita.

Bai. Aseguru artekaria aseguru-etxeetatik independentea den bitartekari bat da, eta aholkulari aditu gisa jarduten du aseguratuarentzat, bere beharretarako aseguru onena bilatzeko. Bere bezeroaren ibilgailuaren aseguruaren bilaketa horretan, aseguru-etxeen ezestea jaso izan dezake artekariak, bezero baztertuaren ordezkari den heinean.

CCSak Motorezko Ibilgailuen Nahitaezko Erantzukizun Zibileko Asegurua kontrata dezake. Hirugarrenei eragindako kalteak estaltzen ditu, legeek ezarritako kalte pertsonal eta materialen inguruko mugekin.

Legeak ez dio ezartzen CCSari bestelako estaldurarik, kalte propioak, ibilgailuaren lapurreta, kalteen erreklamazioa, defentsa juridikoa eta abar bezalakorik.

Pertsonen eta ondasunen gaineko kalteak, Legeak ibilgailu motordunen zirkulaziorako erantzukizun zibilaren eta aseguruen inguruan ezarritako ondorengo estaldura-muga hauekin:

• Pertsonei eragindako kalteak: 70 milioi euroraino, biktima-kopurua zeinahi dela ere.
• Ondasunei eragindako kalteak: 15 milioi euro ezbehar bakoitzeko.
• Osasun laguntza, farmazeutikoa eta erietxekoa: behar beste, zauriak sendatu arte, gastua behar bezala justifikatuta badago, betiere.
• Lur-emate eta hileta gastuak: zerbitzua eskaintzen den lekuko ohitura eta usadioen arabera, justifikatutako zenbatekoen arabera.

Aurreko bi paragrafoetan adierazitako kalte-ordainak legeak horrelako kalteetarako ezarritako mugatik gorakoak badira, beste kalte mota batzuetarako ezarritakoen kargura ordainduko dira, halakorik egonez gero.

Gaur egun, nahitaezko kontratazio modalitatea bakarrik eskaintzen du Consorciok, nahitaezko aseguruaren muga kuantitatiboen inguruko azken aldaketak igoera handia eragin baitu, 350.000 eurotik 70 milioi eurora artekoa, pertsonen gaineko kalteetan, eta 100.00 eurotik 15 milioi eurora artekoa, ondasunen gaineko kalteetan; beraz, erantzukizun zibilaren borondatezko estaldura, lehen eskaintzen zena, egun eskaintzen dugun nahitaezko estalduran integratuta geratu da.

EZ. Gaur egun, nahitaezko aseguru modalitatea bakarrik eskaintzen du Consorciok, horren legezko mugak nahiko altuak direla ulertuta.

Aseguru horrek EZ DITU ESTALTZEN GIDARIAK IZAN DITZAKEEN KALTEAK (Motorezko Ibilgailuen Zirkulazioko Erantzukizun Zibilaren eta Aseguruaren 5.1 artikulua).

Aseguruak EZ DITU ESTALTZEN IBILGAILUARI EDOTA BERTAN GARRAIATUTAKO GAUZEI ERAGINDAKO KALTE MATERIALAK, EZ ETA IBILGAILUAREN LAPURRETA ERE (Arestian aipatutako legearen 5.2 artikulua).

Legez erantzukizun zibileko estaldurara mugatu behar denez, aseguru honetan EZ DAUDE SARTUTA beste estaldurak, KALTEEN ERREKLAMAZIOA, DEFENTSA JURIDIKOA, BIDAIA-ASISTENTZIA eta abar.

Ibilgailuaren ezaugarrien arabera, ordaindu beharreko ordainagiriaren prezio zehatza eskain daiteke. Telefono bidezko Arreta Zentroaren bitartez (900 222 665) edo Consorcioren web orriaren bitartez -ibilgailu partikularren erantzukizun zibileko aseguruaren kontratazio elektronikoa atalean- jakin dezakezu prezio zehatza.

Ez da beharrezkoa dokumentaziorik aurkeztea, kontratazioz telefonoz edo elektronikoki egiten baita, Consorcioren web orriaren bitartez; kontratazioa egiteko, baina, datu pertsonal batzuk eta ibilgailuaren inguruko batzuk eman behar dituzu. Datu horiek agertuko dira kontratuan, beraz, kontratazio elektronikoaren kasuan, bertan okerrik ez egiteko eta datuen egiatasuna bermatzeko, grabatu egingo da telefonozko saioa.

Grabazio telefonikoak arriskuaren deklarazio efektua edukiko du, baita aseguru eskaerarena ere.

Oso garrantzitsua da emandako datuak zuzenak izatea, ezbeharra gertatzen denean estaldura arazorik ez edukitzeko.

Alde batetik, zure ibilgailuaren asegurua kontratatzera joan eta ezetz esan dizuten bi aseguru-etxe pribaturen izena, gutxienez (Motorezko Ibilgailuen Zirkulazioko Nahitaezko Erantzun Zibilaren Aseguruaren Erregelamenduaren 5.2 artikulua).

Eskatuko zaizkizun gainerako datuak ondoren adierazitako dokumentuetan daude, prest eduki ditzazun. Oso garrantzitsua da kontratazioa egiteko unean aurrean edukitzea; izan ere, lehen adierazi bezala, ezinbestekoa da datuak zuzenak izatea, kontratuan agertuko baitira.

Beharrezko datuak dituzten dokumentuak:

• Hartzailearen identifikazio-agiria, jabearena eta gidariarena (IFZ, IFK, bizileku-baimena, Pasaportea eta abar). Kontratua egingo duen pertsonak kontratatzeko gaitasuna eduki behar du (adinez nagusia).
• Aseguratu beharreko ibilgailuari dagokion gidabaimena.
• Ibilgailuaren zirkulazio-baimena.
• Ibilgailuaren Ezaugarri Teknikoen Ziurtagiria, ibilgailuaren azterketa tekniko eguneratua (IAT) adierazten duena.

Horrekin batera, kontratazioa elektronikoki eginez gero, nahitaezkoa da agiri edo NAN elektronikoa eta prima ordaintzeko banku-txartel bat edukitzea.

Interesatuak telefonoz kontratatu eta gero, Consorciok ordainagiria egiten du, eta 15 egun naturaleko epean ordaindu beharko da, kontratua egin denetik kontatuta, CCSaren erakunde kolaboratzaileen edozein sukurtsaletan, BBVA edo Santanderren edozein sukurtsaletan, astelehenetik ostiralera, 09:00etatik 11:30era.

Kontratazio elektronikoan, primaren ordainketa banku-txartel bidez egingo da, kontratazio prozesuan.

Ez baduzu ordainketa epe horretan egiten, ordainagirian adierazi bezala, iraungita geratuko da zure kontratua, Aseguru Kontratuaren Legean ezarri bezala (14 eta 15 art.).

Kontratazio elektronikoan, primaren ordainketa banku-txartel bidez egingo da, kontratazio prozesuan.

Ez. Ordainagiria ordainketa bakar batean ordaindu behar da, BBVA edo Santanderren edozein sukurtsaletan, astelehenetik ostiralera, 09:00etatik 11:30era, poliza kontratatzen denetik kontatu eta 15 egun naturaleko epean; kontratazio elektronikoan, primaren ordainketa banku-txartel bidez egingo da, kontratazio prozesuan.

Kontratuari dagokion dokumentazioa, hau da, Baldintza Orokorrak eta Baldintza Partikularrak, adiskidetasunezko istripu-aitorpena ren bi ale eta kontratatu duzun aseguruaren ezaugarriak laburbiltzen dituen informazio-orria, ordainagiria ordaindu ahala bidaliko zaizkizu etxera.

Kontratazio elektronikoan, primaren ordainketa banku-txartel bidez egingo da, Banco Santander SAren zerbitzari seguruaren bidez, eta transakzioa onartu ondoren, egindako kontratazioaren egiaztatze pantaila agertuko da, erabiltzaileak inprimatu eta/edo PDF formatuan gorde ahal izateko kontratatutako polizaren dokumentuen fitxategiak.

Asegurua Telefono bidezko Arreta Zentroaren bitartez (902.222.665 / 952367042) edo elektronikoki, Consorcioren web orriaren bitartez kontratatu bezain pronto duzu asegurua indarrean.

Nolanahi ere, kontratazioa telefonoz eginez gero, BBVA edo Santanderren edozein sukurtsaletan ordaindu behar da ordainagiria, 09:00etatik 11:30era, kontratazioa telefonoz egiten denetik kontatu et a15 egun naturaleko epean. Bestela, aseguruaren poliza baliogabetuta geratuko da.