Zirkulazio istripu bateko kaltetuek istripua eragin duen ibilgailuaren aseguru-etxea zein den jakin dezaten, istripua kaltetuaren herrialdea ez den beste herrialde batean izan bada, eta horrek erreklamazioa bere herrialdean aurkeztu ahal izateko, Europako Laugarren Zuzentarauak hainbat mekanismo ezarri ditu erreklamazio hori aurkezteko beharreko informazioa emateko.

Labur-labur, ondorengo kasuetan aplikatzen da:

• Kaltetua: Europako Eremu Ekonomikoko herrialde bateko egoiliarra da.
• Istripua eragin duen ibilgailua: kaltetuarena ez den Europako Eremu Ekonomikoko herrialde batean matrikulatu eta aseguratua.
• Istripua gertatu den herrialdea: EEEko edozein (EEEkoa edo Gutun Berdearen sistemara atxikitakoa), baina kaltetuarena ez dena.

Helburua da kalteak kaltetuaren Estatuan erreklamatu ahal izatea bermatzea. Horretarako, aseguratzaile guztiek obligazioa dute Estatu kide bakoitzean ordezkari bat izendatzeko, horrelako erreklamazioei kasu egiteko, erantzuteko edota halakoak likidatzeko. Horrekin batera, "Informazio Erakunde" bat izendatu behar du Europako Eremu Ekonomikoko Estatu kide bakoitzak, horren bitartez kaltetuak atzerriko ibilgailu errudunaren aseguru-etxearen datuak eta bere herrialdean duen ordezkaria aurkitzeko.

Espainian, Consorcio de Compensación de Seguros da Informazio Erakundea.

Informazioa eskatzeko, ondorengo hauek behar dira:

a) Zirkulazio-ezbeharrean inplikatua izatea (ezbeharrean kalte pertsonal edo materialak izan dituen kaltetua).

b) FIVA ri informazioa eskatzeko eredu bat betetzea, Partzuergoak ematen duena; Consorcioren web orritik ere deskarga daiteke. Eredu edo inprimaki horrek ondorengo datu hauek ditu:

• Eskatzailearen datu pertsonalak.
• Ezbeharra eragin duen ibilgailuaren matrikula.
• Ezbeharraren eguna.
• Ezbeharrean izandako kalteak (pertsonalak eta/edo materialak).

c) Eredu horri jarraian ageri diren agiriak erantsi behar zaizkio:

• Kalteen partearen edo adiskidetasunezko istripu-aitorpenaren kopia.
• Eskatzaileak pertsona fisiko edo juridiko baten izenean jarduten badu, ordezkatzea egiaztatu behar da.

d) Eskaera Consorcioren bulegoetan aurkeztu behar da, edo postaz (Produkzio Saila, Castellana pasealekua, 32, 28046-Madril), faxez (913395514) edo posta elektronikoz (ccsprod@consorseguros.es) bidali, eskatutako dokumentazioarekin batera. Ez da telefono bidezko kontsultarik onartuko.

• Kaltetuek eta horien aseguru-etxeek
• EEEko estatu kideetako informazio erakundeek
• EEEko estatu kideetako kalte-ordain erakundeek
• EEEko estatu kideetako berme-funtsek.
• OFESAUTO
• Epaitegi eta Auzitegiek
• Istripu ezbeharretako lesionatuei laguntza emateko CCSarekin eta aseguru-etxeekin hitzarmenak sinatzen dituzten osasun zentroek eta larrialdi zerbitzuek.

E.E.E.: Alemania, Andorra, Austria, Belgika, Bulgaria, Kroazia, Txekiako Errepublika, Zipre, Danimarka, Eslovakiako Errepublika, Eslovenia, Espainia, Estonia, Finlandia, Frantzia, Britainia Handia, Grezia, Holanda, Hungaria, Irlanda, Islandia, Italia, Letonia, Liechtenstein, Lituania, Luxenburgo, Malta, Norvegia, Polonia, Portugal, Errumania, Serbia, Suedia eta Suitza.

Gutun Berdearen sistemara atxikitako herrialdeak: Albania, Bielorrusia, Bosnia-Herzegovina, Fyrom (Mazedonia), Iran, Israel, Maroko, Moldavia, Montenegro, Errusia, Tunisia, Turkia eta Ukraina.

a) Istripuaren herrialdea: Espainia Kaltetua: EEEko beste herrialde bateko egoiliar bat.(Adibidez: Italiakoa) Eragilea: kaltetuarena ez den EEEko beste herrialde bat (adibidez: Espainiako ibilgailu bat).

b) Kaltetua: Espainiako egoiliar bat Istripuaren herrialdea: EEEko beste estatu bat (ad.: Erresuma Batua) Eragilea: EEEko herrialde batekoa (ad: Alemaniako ibilgailu bat).

c) Kaltetua: Espainiako egoiliar bat Eragilea: EEEko beste herrialde bateko egoiliar bat (ad.: Frantziako ibilgailu bat) Istripuaren herrialdea: Gutun Berdearen sistemara atxikitako herrialde bat (ad.: Maroko, Tunisia, Errusia).

d) Eragilea: Espainian aseguratutako Espainiako ibilgailu bat Kaltetua: EEEko beste herrialde bateko egoiliar bat. (ad: Frantziako egoiliar bat) Istripuaren herrialdea: Gutun Berdearen sistemara atxikitako herrialde bat (ad.: Maroko, Tunisia, Errusia).

a) Kaltetua: Frantziako egoiliar bat Eragilea: Frantziako egoiliar bat Istripuaren herrialdea: Espainia.

Erantzukizun Zibilari eta Motordun Ibilgailuen Zirkulazioko Aseguruari buruzko Legearen 20.2 artikuluaren arabera, zirkulazio istripua bere ohiko aparkalekua kaltetua bizi den estatuan duen eta bertan aseguratua dagoen ibilgailu batek eragin badu, Consorciok EZ du Informazio Erakunde gisa jardungo.

Kontsulta OFESAUTOra (Ibilgailuen Aseguru-etxeen Espainiako Bulegoa) bidal daiteke: Sagasta, 18, 28004 Madril (www.ofesauto.es).

b) Kaltetua: Frantziako egoiliar bat Eragilea: Espainiako ibilgailu bat Istripuaren herrialdea: Frantzia.

Laugarren Zuzentarauaren sistema aplikatzen da EEEko egoiliar batek bere bizilekua ez den herrialde batean izandako istripu bateko kaltetua bada.

Horregatik, EZ dagokio Consorciori Informazio Erakunde gisa jardutea, eta Frantziako Bulegora bidal dezakezu kontsulta.

c) Kaltetua: Norvegiako egoiliar bat Eragilea: Espainiako ibilgailu bat Istripuaren herrialdea: Espainia Eskatzailea: Norvegiako aseguru-etxea

Biktimaren herrialdeko Informazio Erakundera bidali behar da kontsulta; kasu honetan, Norvegiakora (Erakundearen datuak Consorcioren web orrian daude, esteka). Erakunde.