Erantzukizun Zibileko Nahitaezko Aseguruaren Erregelamenduaren arabera, nahitaezko aseguruaren kontratazioa ezesten duten edo onartzen ez duten aseguru-etxeak behartuta daude interesatuari horren berri ematera, horretarako zuzenbideak onartutako edozein bide erabilita (Ibilgailu motordunen zirkulaziorako erantzukizun zibileko nahitaezko aseguruaren araudiaren 5.2 artikulua, irailaren 12ko 1507/2008 Errege Dekretuak onartutakoa, 208ko irailaren 13ko BOEa).

Bai. Aseguru artekaria aseguru-etxeetatik independentea den bitartekari bat da, eta aholkulari aditu gisa jarduten du aseguratuarentzat, bere beharretarako aseguru onena bilatzeko. Bere bezeroaren ibilgailuaren aseguruaren bilaketa horretan, aseguru-etxeen ezestea jaso izan dezake artekariak, bezero baztertuaren ordezkari den heinean.

Ez. Ordainagiria ordainketa bakar batean ordaindu behar da, BBVA edo Santanderren edozein sukurtsaletan, astelehenetik ostiralera, 09:00etatik 11:30era, poliza kontratatzen denetik kontatu eta 15 egun naturaleko epean; kontratazio elektronikoan, primaren ordainketa banku-txartel bidez egingo da, kontratazio prozesuan.

Oro har, bai, egin dezakezu, baldin eta ibilgailua espainiarra bada eta gidariak aseguratu nahi duzun ibilgailu mota gidatzeko Espainiako arauzko adina badauka.

Europar Batasuneko herritarra bazara, zure herrialdean egindako gidabaimenarekin kontrata dezakezu asegurua, baldin eta gidabaimen horrek baimena ematen badizu aseguratu nahi duzun ibilgailu-mota gidatzeko eta balioaldi bera badu.

Ez bazara Europar Batasuneko herritarra, indarrean dagoen nazioarteko gidabaimena balioduna da, eta ibilgailu-mota hori gidatzeko baimena ematen dizu.

Europar Batasuneko herritarra ez izanda, zure herrialdeko gidabaimena baduzu eta ez baduzu Espainian sei hilabete baino gehiago bizi behar, balioduna da zure herrialdeko gidabaimena. Espainian sei hilabete baino gehiago bizi behar baduzu, zure herrialdeko gidabaimenak ez du balio lehenengo sei hilabete horietatik harago, eta Espainiako gidabaimena eskuratu behar duzu.

Bai, beharrezkoa da ezetza eman dizuten bi aseguru-etxeren izena adieraztea, alegia, kontratatu nahi duzun arriskuaren estaldurari ezetz esan diotenena, eta legeak onartutako edozein bidetatik ezetza jakinarazi izana.

Bai. Aseguru AGENTEa aseguru-etxeari LOTETSItako bitartekaria da. Beharrezkoa da aseguru-agenteak ezeste-jakinarazpena egitea, bere aseguru-etxea eta agenteak aseguru-etxe horretan duen erregistro-zenbakia espresuki adierazita.

Aseguru horrek EZ DITU ESTALTZEN GIDARIAK IZAN DITZAKEEN KALTEAK (Motorezko Ibilgailuen Zirkulazioko Erantzukizun Zibilaren eta Aseguruaren 5.1 artikulua).

Aseguruak EZ DITU ESTALTZEN IBILGAILUARI EDOTA BERTAN GARRAIATUTAKO GAUZEI ERAGINDAKO KALTE MATERIALAK, EZ ETA IBILGAILUAREN LAPURRETA ERE (Arestian aipatutako legearen 5.2 artikulua).

Legez erantzukizun zibileko estaldurara mugatu behar denez, aseguru honetan EZ DAUDE SARTUTA beste estaldurak, KALTEEN ERREKLAMAZIOA, DEFENTSA JURIDIKOA, BIDAIA-ASISTENTZIA eta abar.

Kontratuari dagokion dokumentazioa, hau da, Baldintza Orokorrak eta Baldintza Partikularrak, adiskidetasunezko istripu-aitorpena ren bi ale eta kontratatu duzun aseguruaren ezaugarriak laburbiltzen dituen informazio-orria, ordainagiria ordaindu ahala bidaliko zaizkizu etxera.

Kontratazio elektronikoan, primaren ordainketa banku-txartel bidez egingo da, Banco Santander SAren zerbitzari seguruaren bidez, eta transakzioa onartu ondoren, egindako kontratazioaren egiaztatze pantaila agertuko da, erabiltzaileak inprimatu eta/edo PDF formatuan gorde ahal izateko kontratatutako polizaren dokumentuen fitxategiak.

Indarreko legeen arabera (1507/2008 Errege Dekretuak onartutako Motorezko Ibilgailuen Zirkulazioko Nahitaezko Erantzun Zibilaren Aseguruaren Erregelamenduaren 14. Artikulua), Ibilgailu Aseguratuen Fitxategi Informatiboa kontsultatuko dute agintaritza-agenteek, nahitaezko aseguruaren indarraldia egiaztatzeko.

Bestela, indarrean dagoen aldiko primaren ordainagiriarekin egiaztatuko da asegurua indarrean dagoela, baldin eta aseguru-etxearen identifikazioa, matrikula, estaldura-aldia eta nahitaezko aseguruaren estaldura adierazten baditu.

Beraz, ordainagiria ahalik eta azkarren helarazteko, adierazi zein bidetatik jaso nahi duzun (faxa, posta elektronikoa eta abar) eta jaso bezain laster, ordaindu BBVan edo Banco Santanderren, banku-erakunde horiek zigilatutako ordainagiria baita asegurua indarrean dagoela justifikatzen duten agiriak.

Ez. Indarreko legeen arabera, indarrean dagoen gidabaimen balioduna eduki behar du gidariak berekin, gidatuko badu, agintaritzako agenteek eskatuz gero erakusteko.