Espainia Europako Erkidegoan sartu ondoren eta, araudi komunitariora egokitzearen ondorioz, 1991. urtean indarrean sartu zen horren Legezko Estatutua, eta hori aldaketa handia izan zen CCSarentzat, horren izaera juridikoari, operazio-erregimenari, egiturari eta barne antolaketari dagokienez.

CCSak pertsonalitate juridiko propioa du, eta jarduteko gaitasun erabatekoa. Bere Legezko Estatutua du arau, bere jardueran ordenamendu juridiko pribatura lotuta dago, eta aseguru-entitateen antolaketa, ikuskatze eta kaudimenari buruzko Legearen eta aseguru kontratuen Legearen mende. Une horretatik aurrera, CCSak organismo autonomo izateari utzi zion, estatu-sozietate bihurtzeko; gaur egun, enpresa-entitate publikoa da, Estatuko Administrazio Nagusiaren Antolaketari eta Funtzionamenduari buruzko apirilaren 14ko 6/1997 Legeak xedatu bezala.