O Regulamento do Seguro Obrigatorio de Responsabilidade Civil obriga as entidades aseguradoras que rexeiten ou non acepten a contratación do seguro obrigatorio a que o comuniquen ao interesado por calquera medio admitido en dereito (Artigo 5.2 do Regulamento do seguro obrigatorio de responsabilidade civil na circulación de vehículos a motor, aprobado por Real Decreto 1507/2008, de 12 de setembro, B.O.E. de 13 de setembro de 2008).

Si. O corredor de seguros é un mediador independente das compañías e actúa como asesor experto para o asegurado na busca para este dos seguros que mellor conveñen ás súas necesidades. Cabe entender que, no transcurso dese labor de busca de seguro do automóbil para o seu cliente, o corredor recibiu respostas de rexeitamento de entidades aseguradoras na súa condición de representante do cliente rexeitado.

Non. O recibo debe aboarse mediante un único pagamento en calquera oficina do BBVA ou do Banco Santander, de 9:00 a 11:30 horas, de luns a venres, no prazo de 15 días naturais dende a data de contratación da póliza, e na contratación electrónica o pagamento da prima realizarase mediante tarxeta bancaria durante o proceso de contratación.

Con carácter xeral, pódeo facer, sempre que se trate dun vehículo español e o condutor teña a idade regulamentaria en España para conducir a clase de vehículo que pretende asegurar.

Se Vde. é cidadán da Unión Europea pode contratar o Seguro co permiso de condución expedido no seu país, sempre que o devandito permiso lle autorice a conducir a clase de vehículo para o que vai contratar o seguro e se atope o mesmo no período de vixencia para o que foi expedido.

Se Vde. non é cidadán da Unión Europea, é válido o permiso de condución internacional vixente, autorizándoo a conducir esa clase de vehículo.

Se non sendo cidadán da Unión Europea ten permiso de condución do seu propio país e non vai residir en España máis de seis meses é válido o permiso do seu país. No caso de que vaia residir máis de seis meses en España, o permiso do seu país non é válido pasado eses seis primeiros meses de residencia e debe proceder a obter o permiso español.

Si, é necesario que Vde. indique, polo menos, o nome de dúas entidades aseguradoras ás que se dirixira, que non aceptaran o risco que pretende contratar e que lle comunicaran por calquera medio admitido en dereito o seu rexeitamento.

Si, pois o axente de seguros é un mediador AFECTO ou VINCULADO á Compañía. É necesario que o axente de seguros expida a comunicación de rexeitamento facendo mención expresa á entidade aseguradora da que é axente de seguros, e ao número co que o axente está rexistrado na devandita entidade.

Este seguro NON COBRE OS DANOS QUE POIDA SUFRIR O CONDUTOR (artigo 5.1 da Lei de Responsabilidade civil e Seguro na Circulación de Vehículos a Motor).

O seguro NON COBRE OS DANOS MATERIAIS CAUSADOS AO PROPIO VEHÍCULO NIN ÁS COUSAS NEL TRANSPORTADAS, NIN O ROUBO DO VEHÍCULO (artigo 5.2 da Lei citada).

Ao ter que limitarse por Lei á cobertura de responsabilidade civil, este seguro NON INCLÚE outras coberturas distintas, tales como a RECLAMACIÓN DE DANOS, DEFENSA XURÍDICA, ASISTENCIA EN VIAXE, etc.

A documentación correspondente ao Contrato, é dicir, as Condicións Xerais, as Condicións Particulares, dous exemplares do impreso denominado "declaración amigable de accidente de circulación" e unha folla informativa que resume as características do seguro que Vde. contratou remitiranse por correo ao seu domicilio inmediatamente despois de que Vde. Teña efectuado o pagamento do recibo.

Na contratación electrónica o pagamento da prima realízase mediante tarxeta bancaria a través do servidor seguro do Banco Santander S.A. e, unha vez aceptada a transacción, preséntase unha pantalla de confirmación da contratación realizada, de forma que o usuario pode imprimir e/ou gardar en formato PDF os ficheiros coa documentación da póliza contratada.

De acordo coa lexislación vixente (artigo 14 do Regulamento do Seguro Obrigatorio de Responsabilidade Civil e Seguro na circulación de vehículos a motor, RD. 1507/2008), a vixencia do seguro obrigatorio constatarase polos axentes da autoridade mediante a consulta ao Ficheiro Informativo de Vehículos Asegurados.

No seu defecto, quedará acreditada a vixencia do seguro mediante o xustificante de pagamento da prima do período en curso, sempre que conteña, polo menos, a identificación da entidade aseguradora, a matrícula, o período de cobertura e a indicación da cobertura do seguro obrigatorio.

Polo tanto, recoméndase que, para facerlle chegar o recibo o antes posible, indique o medio polo que Vde. prefira que se lle envíe (fax, correo electrónico, etc.) e que, unha vez que Vde. o teña no seu poder, efectue o seu abono inmediatamente no BBVA ou no Banco Santander, dado que co recibo selado por esta Entidade Bancaria, Vde. dispón xa do documento que xustifica a existencia e a vixencia do seguro.

Non. De acordo coa lexislación vixente para circular o condutor está obrigado a levar consigo o permiso ou licenza válido e vixente, para exhibilos en caso de que sexan reclamados por axente da autoridade que o solicite.