O Consorcio asume a cobertura obrigatoria dos automóbiles non aceptados polas compañías aseguradoras, así como a dos organismos públicos que o soliciten. Tamén indemniza os danos ocasionados por vehículos descoñecidos, sen seguro ou roubados.
Publicouse o Informe razoado de avaliación previsto na disposición adicional primeira da Lei 35/2015, de 22 de setembro, de reforma do sistema para a valoración dos danos e prexuízos causados ás persoas en accidentes de circulación.
O informe -que foi emitido pola Comisión de Seguimento prevista na devandita Lei, na que ten presenza o Consorcio de Compensación de Seguros- ten por obxecto analizar a posta en marcha do sistema legal valorativo, en vigor desde 2016, as súas repercusións xurídicas e económicas mailo sistema de actualización das súas coantías, así como realizar suxestións para a súa mellora.