Ademais das funcións xerais do Consorcio de Compensación de Seguros, a entidade tamén asume outras actividades no ramo dos Seguros Agrarios Combinados, no seguro de accidentes en incendios forestais, nos seguros nucleares e outros.
Dentro do ámbito da cobertura mediante seguro por conta do Estado dos riscos asociados ás operacións que as empresas españolas realizan no exterior, dende xaneiro de 2015 o Consorcio de Compensación de Seguros é o xestor e administrador do Fondo de Reserva dos Riscos da Internacionalización (FRRI), tal e como lle encomenda a Lei 8/2014, do 22 de abril, sobre cobertura por conta do Estado dos riscos da internacionalización da economía española, pola que se crea o devandito fondo.
Segundo establece esa mesma norma, o FRRI está adscrito ao Ministerio de Industria, Comercio e Turismo por medio da Secretaría de Estado de Comercio.
Coa asunción da xestión dos fondos do FRRI, o Consorcio viu ampliado significativamente o seu papel no sistema da cobertura destes riscos, xa que ata decembro de 2014, as súas actividades se circunscribían á mera administración dos fondos do seguro.
Pola súa banda, a función de xestor da cobertura ou asegurador por conta do Estado é desempeñada pola Compañía Española de Seguro de Crédito á Exportación, SA (CESCE).
