As entidades e compañías de seguros poden consultar a información relativa ás súas funcións e ás do Consorcio de Compensación de Seguros nesta sección na que poderán coñecer as primas e recargas derivadas da súa actividade, prazos de autoliquidación, así como realizar consultas relativas á función do Consorcio.
A disposición adicional décima da Lei 20/2015, do 14 de xullo, de ordenación, supervisión e solvencia das entidades aseguradoras e reaseguradoras, estableceu que a partir do exercicio 2016 a información das primas, para os efectos da liquidación das taxas polo mantemento do servizo de prevención e extinción de incendios e das contribucións especiais polo establecemento e ampliación do servizo de extinción de incendios, haberá de remitirse ao Consorcio de Compensación de Seguros.
Informarase do cen por cento das primas cobradas netas de extornos dos ramos conforme ao seguinte detalle:
06: Incendio.
17: Multirrisco Fogar.
18: Multirrisco Comercio.
19: Multirrisco Comunidades..
20: Multirrisco Industrial..
21: Outros Multirriscos.
Terán a consideración de representante de cada entidade aseguradora para os efectos da remisión da información das primas declaradas ao Consorcio, os que teñan tal consideración para a presentación e ingreso das autoliquidacións das recargas obrigatorias a favor do Consorcio.
O representante da entidade aseguradora ten que introducir as claves e contrasinais necesarios. Estos son subministrados polo Consorcio de Compensación de Seguros e son distintos dos comunicados para a presentación das autoliquidacións de recargas por vía telemática.
Prazo de declaración de primas: De 1 de febreiro a 30 de abril.
Axuda á declaración
