A lexislación española do seguro do automóbil creou un Ficheiro informático que xestiona o Consorcio de Compensación de Seguros, denominado Ficheiro Informativo de Vehículos Asegurados (FIVA.) para que os prexudicados e vítimas por accidente de tráfico poidan coñecer con rapidez cal é a entidade aseguradora do vehículo que ocasionou os danos.

En particular, os datos que as propias entidades aseguradoras remiten diariamente ao FIVA, por cada vehículo, son os seguintes: matrícula, código identificativo da marca e modelo do vehículo, data de inicio da vixencia e data de finalización do período de seguro en curso. En consecuencia, o ficheiro F.I.V.A. non contén ningún dato persoal senón, unicamente, os datos relativos ao vehículo e á entidade aseguradora.

Para acceder ao Ficheiro requirese:

a) Ter a condición de implicado no accidente de circulación (prexudicado en accidente por danos na súa persoa ou nos seus bens).

b) Cumprimentar un modelo de solicitude de información ao FIVA que facilita o Consorcio, e que, ademais, pode descargarse dende a páxina Web do propio Consorcio. No devandito modelo ou impreso figuran os seguintes datos:

• Datos personais do solicitante.
• Matrícula do vehículo causante
• Data do accidente.
• Tipo de danos habidos no sinistro (persoais e/ou materiais).

E ao devandito modelo deben achegarse os documentos que se sinalan a continuación:

• Copia do parte de danos ou declaración amigable do accidente.
• Se o solicitante actúa en nome e representación dunha persoa física ou xurídica debe acreditarse a representación.

c) A solicitude pode presentarse nas oficinas do Consorcio ou enviarse por correo (Departamento de Produción, Ps. Castellana 32, 28046-Madrid), por fax (913395514) ou correo electrónico (ccsprod@consorseguros.es), acompañada da documentación requirida. Non se admitirán consultas por teléfono.

A Lei 21/2007, de 11 de xullo, pola que se modifica o texto refundido da Lei sobre responsabilidade civil e seguro na circulación de vehículos a motor posibilita o acceso á información do FIVA aos centros sanitarios e servizos de emerxencias que subscriban convenios co Consorcio de Compensación de Seguros e as entidades aseguradoras para a asistencia a lesionados de tráfico.

Polo tanto, os requisitos para poder acceder ao FIVA son:

• Ser un centro sanitario ou servizo de emerxencia médica do sector público ou privado.
• Ter subscrito convenio para a asistencia aos lesionados de tráfico co Consorcio de Compensación de Seguros e as entidades aseguradoras.
• Solicitar a información contida no FIVA de acordo coa finalidade que lle encomenda a lei ao Ficheiro, é dicir, unicamente para a xestión dos gastos derivados da prestación de asistencia sanitaria a lesionados en accidente de tráfico.

Tanto no caso de Centros Sanitarios adheridos a CAS (Sistema de Xestión de Pagamentos de Prestacións Sanitarias en Sinistros Automóbiles) como non adheridos a CAS é imprescindible remitir xunto co modelo de solicitude de alta de usuarios o Protocolo de adhesión debidamente asinado e selado.

Ambos documentos poden descargarse dende a páxina Web do propio Consorcio (www.consorseguros.es enlace directo ao lugar da web na que están publicados os modelos desde la página Web del propio Consorcio deben remitirse ao Departamento de Produción a través de correo (Ps. Castellana 32, 28046 Madrid), e-mail (ccsprod@consorseguros.es) ou fax (913395514).

Existe á súa disposición o Ficheiro Informativo de Vehículos Asegurados (FIVA), de modo que Vd., na súa calidade de implicado nun accidente de circulación, pode coñecer o nome da aseguradora do vehículo causante do accidente, sempre que Vd. facilite a matrícula do vehículo contrario. Para acceder ao Ficheiro requírese:

a) Ter a condición de implicado no accidente de circulación (prexudicado en accidente por danos na súa persoa ou nos seus bens).

b) Cumprimentar un modelo de solicitude de información ao F.I.V.A. que facilita o Consorcio, e que, ademais, pode descargarse denden a páxina Web do propio Consorcio. No devandito modelo ou impreso figuran os seguintes datos.

• Datos persoais do solicitante.
• Matrícula do vehículo causante.
• Data do accidente.
• Tipo de danos habidos no sinistro (persoais e/ou materiais).

E ao devandito modelo deben achegarse os documentos que se sinalan a continuación:

• Copia do parte de danos ou declaración amigable do accidente.
• Se o solicitante actúa en nome e representación dunha persoa física ou xurídica debe acreditarse a representación.

c) A solicitude pode presentarse nas oficinas do Consorcio ou enviarse por correo (Departamento de Produción, Ps. Castellana 32, 28046-Madrid), por fax (913395514) ou correo electrónico (ccsprod@consorseguros.es), acompañada da documentación requirida. Non se admitirán consultas por teléfono.

Non obstante, o ficheiro FIVA non contén ningún dato persoal senón, unicamente, datos relativos ao vehículo e á entidade aseguradora, polo que NON podemos facilitarlle os datos persoais nin do propietario nin do condutor do vehículo contrario.