O Consorcio, adscrito ao Ministerio de Asuntos Económicos e Transformación Dixital, é unha Entidade Pública Empresarial inspirada no principio de compensación coa finalidade de cubrir os riscos dos seguros que se determinan no seu Estatuto Legal (1).

O patrimonio do Consorcio é privativo e distinto ao do Estado, financiándose coas súas primas e recargas. Como calquera outra entidade aseguradora, o Consorcio constitúe as oportunas provisións técnicas, mantén unha marxe de solvencia e, ademais, constitúe unha reserva de estabilización especial de carácter acumulativo, necesaria para a cobertura dos riscos asumidos, á que se destinan a totalidade dos resultados positivos das súas actividades.

O Consorcio mantén a obrigada separación financeira e contable entre as distintas actividades que determina a súa lexislación específica, xeral, agraria, liquidadora e de crédito.

O Consorcio axústase ao criterio de compensación como principal aspecto dentro da súa estratexia recaudatoria e indemnizatoria, non facéndose distincións nin xeográficas, nin económicas, nin de tipoloxía de ramos de aseguramento, exceptuando as mencionadas no parágrafo anterior.

(1) Texto refundido do Estatuto legal do Consorcio de Compensación de Seguros, conforme a adaptación da Disposición final oitava da Lei 20/2015, do 14 de xullo, de Ordenación, Supervisión e Solvencia das Entidades Aseguradoras e Reaseguradoras (BOE nº 168, do 15 de xullo).