O Consorcio de Compensación de Seguros só pode asumir a contratación do Seguro Obrigatorio do automóbil con carácter excepcional, naqueles casos nos que a cobertura dos riscos que se pretenden contratar non fose aceptada por as entidades aseguradoras privadas.

Por iso, o Consorcio non pode actuar como calquera entidade aseguradora competindo coas demais entidades. Non ten carácter comercial nin pode aceptar as solicitudes de seguro que lle cheguen por razón do prezo; soamente pode asumir a contratación do seguro no caso de que o aseguramento do vehículo fose rexeitado no mercado de seguros por, polo menos, dúas entidades aseguradoras.

Non. O Consorcio só pode contratar o Seguro Obrigatorio do automóbil con carácter excepcional se o risco foi rexeitado polas entidades aseguradoras privadas. Se existe compañía aseguradora privada que cubra o devandito risco, o Consorcio non pode aceptar a súa contratación, porque é requisito legal que se trate de riscos non aceptados polas entidades aseguradoras.

Si, é necesario que Vde. indique, polo menos, o nome de dúas entidades aseguradoras ás que se dirixira, que non aceptaran o risco que pretende contratar e que lle comunicaran por calquera medio admitido en dereito o seu rexeitamento.

Non é preciso que Vde. facilite un certificado no que conste o seu historial de sinestralidade; en cambio, si debe dispoñer das comunicacións de polo menos dúas entidades aseguradoras nas que conste o rexeitamento do aseguramento.

Non é necesario, en principio, que envíe as devanditas comunicacións; é suficiente que lea o seu contido, polo que debe telas á súa disposición no momento no que vaia facer a contratación telefónica. Posteriormente, deberá conservar as devanditas comunicacións a disposición do Consorcio.

O Regulamento do Seguro Obrigatorio de Responsabilidade Civil obriga as entidades aseguradoras que rexeiten ou non acepten a contratación do seguro obrigatorio a que o comuniquen ao interesado por calquera medio admitido en dereito (Artigo 5.2 do Regulamento do seguro obrigatorio de responsabilidade civil na circulación de vehículos a motor, aprobado por Real Decreto 1507/2008, de 12 de setembro, B.O.E. de 13 de setembro de 2008).

Si, pois o axente de seguros é un mediador AFECTO ou VINCULADO á Compañía. É necesario que o axente de seguros expida a comunicación de rexeitamento facendo mención expresa á entidade aseguradora da que é axente de seguros, e ao número co que o axente está rexistrado na devandita entidade.

Si. O corredor de seguros é un mediador independente das compañías e actúa como asesor experto para o asegurado na busca para este dos seguros que mellor conveñen ás súas necesidades. Cabe entender que, no transcurso dese labor de busca de seguro do automóbil para o seu cliente, o corredor recibiu respostas de rexeitamento de entidades aseguradoras na súa condición de representante do cliente rexeitado.

O Consorcio de Compensación de Seguros pode contratar o Seguro de Responsabilidade Civil de vehículos a motor de Subscrición Obrigatoria. É o seguro que cobre os danos causados a terceiros cos límites de indemnización por danos persoais e materiais que establece a lexislación.

Non lle atribúe a lei ao Consorcio de Compensación de Seguros outro tipo de cobertura como danos propios, roubo do vehículo, reclamación de danos, defensa xurídica, etc.

Os danos ás persoas e nos bens cos límites de cobertura establecidos pola Lei sobre responsabilidade civil e seguro na circulación de vehículos a motor que son os seguintes:

• Danos ás persoas: 70 millóns de euros, calquera que sexa o número de vítimas.
• Danos nos bens: 15 millóns de euros por sinistro.
• Asistencia médica, farmacéutica e hospitalaria: na contía necesaria ata a sanación ou consolidación de secuelas, sempre que o gasto estea debidamente xustificado.
• Gastos de enterro e funeral: segundo os usos e costumes do lugar onde se preste o servizo, na contía que se xustifique.

Se a contía a indemnizar por algún dos dous tipos de danos anteriores fose superior ao límite legal fixado para este tipo de danos, indemnizarase a diferenza con cargo ao exceso que existise para o outro tipo de danos, se o houbese.

Actualmente, o Consorcio só ofrece a modalidade de contratación obrigatoria, xa que a última modificación lexislativa dos límites cuantitativos do seguro obrigatorio supuxo unha importante elevación destes de 350.000 euros a 70 millóns de euros en danos á persoas e de 100.00 euros a 15 millóns de euros en danos nos bens, e polo tanto a cobertura da responsabilidade civil voluntaria que antes se outorgaba quedou integrada na cobertura obrigatoria que actualmente ofrecemos.

NON. Actualmente, o Consorcio só ofrece a modalidade de seguro obrigatorio, ao entender que os seus límites legais son suficientemente elevados.

Este seguro NON COBRE OS DANOS QUE POIDA SUFRIR O CONDUTOR (artigo 5.1 da Lei de Responsabilidade civil e Seguro na Circulación de Vehículos a Motor).

O seguro NON COBRE OS DANOS MATERIAIS CAUSADOS AO PROPIO VEHÍCULO NIN ÁS COUSAS NEL TRANSPORTADAS, NIN O ROUBO DO VEHÍCULO (artigo 5.2 da Lei citada).

Ao ter que limitarse por Lei á cobertura de responsabilidade civil, este seguro NON INCLÚE outras coberturas distintas, tales como a RECLAMACIÓN DE DANOS, DEFENSA XURÍDICA, ASISTENCIA EN VIAXE, etc.

En función das características do vehículo pódese facilitar o prezo exacto do recibo a pagar. Así, pode Vde. coñecer o importe exacto ben a través do Centro de Atención Telefónica (900 222 665) ou ben a través da páxina web do Consorcio no apartado de contratación electrónica do seguro de responsabilidade civil de vehículos de particulares.

Non é necesario que Vde. achegue a documentación xa que a contratación se realiza exclusivamente por teléfono ou electronicamente a través da páxina web do Consorcio, pero para efectuar a contratación é preciso que Vde. facilite unha serie de datos persoais e relativos ao vehículo. Estes datos son os que figurarán no contrato de modo que, no caso da contratación electrónica, para evitar incorreccións neste e garantir a veracidade dos datos, serán obxecto de gravación telefónica.

Esta gravación telefónica terá o efecto de declaración do risco e de solicitude de Seguro.

É moi importante a exactitude dos datos que Vde. declare, pois iso evitará que logo puidesen xurdir problemas de cobertura cando se produza o sinistro.

Por unha parte, o nome de, polo menos, dúas entidades aseguradoras privadas ás que Vde. se dirixira para contratar o Seguro do seu vehículo e lle comunicasen o seu rexeitamento á contratación (artigo 5.2 do Regulamento do seguro obrigatorio de responsabilidade civil na circulación de vehículos a motor).

O resto dos datos que se lle van requirir constan nos documentos que se indican a continuación, para que os teña preparados. É moi importante que no momento en que Vde. vaia facer a contratación os teña diante, xa que como se sinalou anteriormente, é fundamental que os datos que achegue sexan correctos, posto que son os que van constar no contrato.

Documentos nos que figuran os datos necesarios:

• Documento de identificación do tomador, do propietario e do condutor (NIF, CIF, Permiso de Residencia, Pasaporte, etc.). A persoa que vai subscribir o contrato ha de ter capacidade para contratar (maior de idadede).
• Permiso ou licenza de condución correspondente ao vehículo a asegurar.
• Permiso de Circulación do vehículo.
• Certificado de Características Técnicas do Vehículo no que conste actualizada a Inspección Técnica do Vehículo (ITV).

Así mesmo, no caso de realizar a contratación electronicamente é imprescindible dispoñer dun certificado ou DNI electrónicos e dunha tarxeta bancaria coa que efectuar o pagamento da prima.

Unha vez que o interesado contrata por teléfono, o Consorcio emite o recibo, que haberá de aboar no prazo de 15 días naturais dende a data en que realizou o contrato, en calquera sucursal das Entidades Colaboradoras do Consorcio de Compensación de Seguros, BBVA ou Banco Santander, de luns a venres de 9:00 a 11:30 h.

Na contratación electrónica o pagamento da prima realizarase mediante tarxeta bancaria durante o de contratación.

Se Vde. non efectua o pagamento no devandito prazo, tal e como se lle indica no recibo, o seu contrato quedará extinguido, conforme ao establecido na Lei de Contrato de Seguro (artº. 14 e 15).

Na contratación electrónica o pagamento da prima realizarase mediante tarxeta bancaria durante o proceso de contratación.

Non. O recibo debe aboarse mediante un único pagamento en calquera oficina do BBVA ou do Banco Santander, de 9:00 a 11:30 horas, de luns a venres, no prazo de 15 días naturais dende a data de contratación da póliza, e na contratación electrónica o pagamento da prima realizarase mediante tarxeta bancaria durante o proceso de contratación.

A documentación correspondente ao Contrato, é dicir, as Condicións Xerais, as Condicións Particulares, dous exemplares do impreso denominado "declaración amigable de accidente de circulación" e unha folla informativa que resume as características do seguro que Vde. contratou remitiranse por correo ao seu domicilio inmediatamente despois de que Vde. Teña efectuado o pagamento do recibo.

Na contratación electrónica o pagamento da prima realízase mediante tarxeta bancaria a través do servidor seguro do Banco Santander S.A. e, unha vez aceptada a transacción, preséntase unha pantalla de confirmación da contratación realizada, de forma que o usuario pode imprimir e/ou gardar en formato PDF os ficheiros coa documentación da póliza contratada.

Vostede ten o seguro en vigor dende o mesmo momento en que contrata o seguro a través do Centro de Atención Telefónica (902.222.665 /952367042) ou electronicamente a través da páxina web do Consorcio.

Non obstante, no caso de realizar a contratación telefonicamente debe aboar o recibo en calquera oficina do BBVA ou do Banco Santander (de 9 a 11:30 horas) antes de que transcorran 15 días naturais dende o día en que se fixo a contratación por teléfono. No caso contrario, a póliza de seguro queda anulada.