Co fin de que os prexudicados nun accidente de circulación poidan coñecer a entidade aseguradora do vehículo causante do accidente cando este acontece nun país distinto do de residencia do prexudicado e este poida presentar a reclamación no seu propio país de residencia, a Cuarta Directiva Europea estableceu distintos mecanismos para facilitar a información que necesita para a presentación de dita reclamación.

Resumidamente, o sistema aplícase cando:

• Prexudicado: é residente nun país do Espazo Económico Europeo.
• Vehículo causante: matriculado e asegurado nun país do Espazo Económico Europeo distinto ao do prexudicado.
• País de ocorrencia: calquera (do E.E.E. ou adherido ao sistema de Carta Verde), pero distinto ao de residencia do prexudicado.

A finalidade é garantir que o prexudicado poida presentar unha reclamación polos danos sufridos no accidente no seu propio Estado de residencia. Para iso, todos os aseguradores teñen a obriga de sinalar a un representante en cada Estado membro capaz de atender, responder e liquidar este tipo de reclamacións. E, á súa vez, cada Estado membro do Espazo Económico Europeo debe designar un denominado "Organismo de Información" a través do cal o prexudicado poida localizar os datos do asegurador do vehículo estranxeiro responsable e o seu representante no Estado en que resida o prexudicado.

En España o Organismo de Información é o Consorcio de Compensación de Seguros.