Ademais das funcións xerais do Consorcio de Compensación de Seguros, a entidade tamén asume outras actividades no ramo dos Seguros Agrarios Combinados, no seguro de accidentes en incendios forestais, nos seguros nucleares e outros.
Queda conformado este ramo de seguros como un instrumento de política agraria nacional. As directrices establéceas anualmente o Goberno a través do correspondente Plan anual. Todos os gobernos, sen excepción, apoiaron decididamente o sistema por entender que é o instrumento idóneo, e máis xusto, de estabilizar a renda dos produtores agrarios.
É un seguro privado: a cobertura asúmena as compañías aseguradoras que, cada ano conforman un cadro de coaseguro, cadro que debe ser aprobado pola Dirección Xeral de Seguros e Fondos de Pensións.
A xestión e administración deste ramo para as compañías aseguradoras queda encomendada á entidade "Agrupación Española das Entidades Aseguradoras dos Seguros Agrarios Combinados, S.A.", Agroseguro, S.A.
É un seguro subvencionado pola Administración Xeral a través de Entidade Estatal de Seguros Agrarios, ENESA, organismo do Ministerio de Agricultura, Pesca e Alimentación, e no seu caso, polas Comunidades Autónomas.
No deseño do seguro participan, a través das súas organizacións, os propios destinatarios (asegurados) a través da Comisión Xeral de ENESA.
O seu funcionamento, e o seu éxito; foi posible grazas á colaboración entre a iniciativa privada e as Administracións públicas.
