A xestión de todos os expedientes de sinistro cubertos por pólizas contratadas con entidades en liquidación está encomendada á Dirección de Liquidación e Saneamento de Entidades Aseguradoras, agás "automóbiles" cuxa xestión está encomendada á Subdirección de Xestión de Prestacións, encadrada na Dirección de Operacións do Consorcio, con domicilio en Paseo de la Castellana, 32, 3ª planta. 28046 Madrid, e cuxo teléfono de centralita é: 91 3395500.

O pagamento do sinistro, sempre que o mesmo se producira ata a data en que a Dirección Xeral de Seguros e Fondos de Pensións declara vencidos os contratos, realizarase do seguinte xeito:

O Consorcio de Compensación de Seguros indemnizará aos prexudicados en accidentes de circulación:

a) A totalidade dos danos ás persoas e nos bens, ata a contía dos límites do aseguramento obrigatorio vixentes na data de ocorrencia do sinistro.

b) A parte dos danos que puidese exceder dos devanditos límites,abonarase sempre que na póliza subscrita coa Entidade en liquidación estivese contratado, ademais do Seguro Obrigatorio do Automóbil, o seguro voluntario de responsabilidade civil ("seguro a terceiros con responsabilidade civil ilimitada", na terminoloxía máis habitual), e na proporción que resulte posible, en función da situación económica da Entidade en liquidación.

Conforme á Lei 20/2015, do 14 de xullo, de Ordenación, Supervisión e Solvencia das entidades aseguradoras e reaseguradoras, unha vez se coñeza, aínda que sexa de forma provisional, o valor dos bens e dereitos da entidade ("activo") do que dispón para atender as súas débedas ("pasivo"), o Consorcio de Compensación de Seguros establecerá a porcentaxe que pode ofrecer aos acredores por contrato de seguro. Esta porcentaxe fíxase polo Consello de Administración do Consorcio de Compensación de Seguros en función do balance que bote a entidade, aplicando unha serie de medidas de mellora previstas na Lei, o que se fai, salvo razóns excepcionais, antes do transcurso do prazo dos 9 meses que establece a Lei. Unha vez determinada a devandita porcentaxe, o Consorcio porase en contacto con vostede para ofrecerlle o pagamento na porcentaxe antes citada.

Este sistema permite que os acredores por contrato de seguro non só poidan cobrar anticipadamente, sen ter que esperar ata o final da liquidación, senón que tamén recibirán unha contía superior á que lles correspondería na liquidación final, debido aos criterios utilizados na valoración do activo, anterior á súa efectiva liquidación, e que tenden a melloralo.

 

Conforme á Lei 20/2015, do 14 de xullo, de Ordenación, Supervisión e Solvencia das entidades aseguradoras e reaseguradoras, unha vez se coñeza, aínda que sexa de forma provisional, o valor dos bens e dereitos da entidade ("activo") do que dispón para atender as súas débedas ("pasivo"), o Consorcio de Compensación de Seguros establecerá a porcentaxe que pode ofrecer aos acredores por contrato de seguro. Esta porcentaxe fíxase en función do balance que bote a entidade, aplicando unha serie de medidas de mellora previstas na Lei, que favorecen aos acredores por contrato de seguro sobre os demais acredores da Entidade en liquidación.

Isto permite que os acredores por contrato de seguro non só poidan cobrar anticipadamente, sen ter que esperar ata o final da liquidación, senón que tamén recibirán unha contía superior á que lles correspondería na liquidación final, debido aos criterios utilizados na valoración do activo, anterior á súa efectiva liquidación, e que tenden a melloralo.

En consecuencia, unha vez o Consello de Administración do Consorcio de Compensación de Seguros determine a porcentaxe a pagar, o que sería, salvo razóns excepcionais, antes do transcurso do prazo dos 9 meses que establece a Lei, o Consorcio porase en contacto con vostede para ofrecerlle o pagamento na porcentaxe que establecera o seu Consello de Administración

Terá vostede dereito a que, no proceso de liquidación, se lle recoñeza o crédito correspondente a esa parte da prima do seguro, non sendo necesario que envíe ningún tipo de reclamación xa que os seus datos figuran nos rexistros da entidade en liquidación. Con posterioridade o Consorcio porase en contacto con vostede para ofrecerlle o pagamento da parte de prima non consumida na porcentaxe aprobada polo seu Consello de Administración, para ofrecer aos acredores por contrato de seguro (asegurados, beneficiarios e terceiros prexudicados).

A súa reclamación será atendida polo Consorcio de Compensación de Seguros, se é o caso, de conformidade co establecido na Lei 20/2015, do 14 de xullo, de Ordenación, Supervisión e Solvencia das entidades aseguradoras e reaseguradoras. A estes efectos deberá vostede remitir toda a documentación xustificativa do seu crédito, indicando claramente os seus datos persoais, á dirección da entidade aseguradora en liquidación (consultar táboa, na actualidade a dirección coincide en todos os casos coa dirección da Dirección de Liquidación e Saneamento de Entidades Aseguradoras do Consorcio).

Todas as reclamacións que se presenten serán contestadas, indicándolles se o seu crédito foi recoñecido ou rexeitado ou, se é o caso, a documentación complementaria que se necesite para o seu recoñecemento.