O Consorcio de Compensación de Seguros (CCS), instrumento ao servizo do sector asegurador español, cunha ampla traxectoria histórica, é unha entidade pública empresarial adscrita ao Ministerio de Asuntos Económicos e Transformación Dixital, a través da Dirección Xeral de Seguros e Fondos de Pensións. Desempeña múltiples funcións no ámbito do seguro, e entre elas destacan as relacionadas coa cobertura dos riscos extraordinarios, o seguro obrigatorio de automóbiles, o seguro agrario combinado e a liquidación de entidades aseguradoras..

O CCS ten personalidade xurídica propia e plena capacidade de obrar, e o seu específico marco de actuación vén determinado polo seu Estatuto Legal. Ten patrimonio propio, distinto ao do Estado, e na súa actividade non depende de ningún presuposto público. O seu máximo órgano decisorio é o Consello de Administración, que, presidido polo Director Xeral de Seguros e Fondos de Pensións, está composto por 14 membros, sete dos cales son altos directivos de entidades aseguradoras privadas, sendo os outros sete altos cargos da Administración.

O CCS elabora a súa planificación estratéxica mediante Plans de Actuación Trienal (PAT). O PAT 2023-2025 fundaméntase en tres obxectivos estratéxicos cuxos respectivos eixes son: "Actividade empresarial", "Responsabilidade social e sustentabilidade", e "Tecnoloxía e ciberseguridade".